1972ല്‍ തുമ്പയില്‍ ജോലിക്കു ചേര്‍ന്നു തിരുവനന്തപുരത്തു താമസിക്കുമ്പോള്‍ ആദ്യം ശ്രദ്ധയില്‍പെട്ട ഒരു മരമായിരുന്നു ഇതു. ഇതിനെക്കുറിച്ചു കുറേ കാര്യങ്ങള്‍ മ്യൂസിയം-പാര്‍ക്കിലുള്ള ഇതേ ഇനം മരത്തിലെ ലേബലില്‍നിന്നു അറിഞ്ഞു. പൂര്‍ണ്ണ വിവരങ്ങള്‍ കിട്ടിയതു ആഷയുടെ ആഷാഢം എന്ന ബ്ളോഗില്‍നിന്നാണു. അതില്‍ ഒടുവിലത്തെ കമന്റു എന്റേതാണെന്നു തോന്നുന്നു.
സിറ്റിയില്‍ പോകേണ്ട ആവശ്യങ്ങള്‍ വന്നിട്ടും നീട്ടി നീട്ടി വച്ചു ഇന്നാണു പോക്കു നടന്നതു. സിഗ്‌നലില്‍ പെട്ടു ഏജീസിനടുത്തു ബസ് നിര്‍ത്തിയപ്പോള്‍, അവിടെ ഒരു കടയില്‍ പോകേണ്ടതിനാല്‍ ചാടിയിറങ്ങി. അതുകൊണ്ടാണു നാഗലിംഗപുഷ്പം ഉണ്ടാകുന്ന മരം മുറിക്കുന്നതു ശ്രദ്ധയില്‍ പെട്ടതു. വ്റ്ക്ഷസ്നേഹികളേയോ മാധ്യമപ്രവര്‍ത്തകരേയോ ഒന്നും അവിടെ കണ്ടില്ല. ക്യാമറ കയ്യിലില്ലാതിരുന്നതിനാല്‍ ഒരു പടമെടുക്കാനും വഴിയില്ലാതായി.
ഒരു മാധ്യമ സുഹ്റൂത്തിന്ടെ നമ്പര്‍ കൈവശം ഉണ്ടായിരുന്നതിനാല്‍ അദ്ധേഹത്തെ വിളിച്ചുപറഞ്ഞു. പിന്നീടു വിളിച്ചപ്പോള്‍ പടം എടുത്തിട്ടുണ്ടെന്നും പറഞ്ഞു.
മരം മുറിക്കുന്നതിനോടു കടുത്ത വിരോധം ഒന്നും ഇല്ല. കാരണം അതു മനുഷ്യന്‍ അകാലത്തില്‍ മരിക്കുമ്പോള്‍ സംഭവിക്കുന്നതു പോലെ അപരിഹാര്യമായ നഷ്ടമൊന്നും വരുത്തുന്നില്ലല്ലോ! മുറിച്ച മരത്തിനു പകരം മറ്റൊന്നു നട്ടുവളര്‍ത്താമല്ലോ! എങ്കിലും...
Subscribe to:
Post Comments (Atom)
3 comments:
കഷ്ടാല്ലേ :(
എന്തിനാ അവരതു മുറിക്കുന്നേ?
കുറേ വർഷം മുൻപ് ആലപ്പുഴയിലെ ഒരു സ്‌ക്കൂൾ വളപ്പിലുണ്ടായിരുന്ന നാഗലിംഗമരം മുറിക്കേണ്ടി വന്നിരുന്നു. അവിടെ പൂജയും മറ്റും ഉണ്ടായിരുന്നുവെന്നു തോന്നുന്നു. മുറിച്ചു കുറച്ചുനാൾ കഴിഞ്ഞപ്പോൾ അവിടെ പൂജ ചെയ്‌തിരുന്ന പൂജാ‍രി മരിച്ചുവെന്നു മറ്റും കേട്ടിരുന്നു. ആരോ പറഞ്ഞറിവാണ് സത്യമാണോന്നു തന്നെയറിയില്ല. (ആ സമയത്ത് അതു നാഗലിംഗമരമാണെന്നു തന്നെയെനിക്കറിയില്ലായിരുന്നു. സർപ്പഗന്ധിയെന്നൊ മറ്റോ ആയിരുന്നു പറഞ്ഞിരുന്നത്) ഇത്തരം അന്ധവിശ്വാസങ്ങളെങ്കിലും ആ മരത്തെ രക്ഷപ്പെടുത്തിയിരുന്നെങ്കിൽ എത്ര നന്നായേനേ.
കഷ്ടം... !!
ഇതൊക്കെ വിഷമകരം.....
Post a Comment